Minisante yishimiye kuba nta wahitanywe na Covid-19 kuri uyu wa Mbere

Imibare yashyizwe hanze na Minisiteri y’Ubuzima kuri uyu wa Mbere tariki 11 Ukwakira 2021, igaragaza ko nta muntu wahitanywe na Covid-19.

Minisiteri y’Ubuzima yatangaje ko umuvuduko igihugu gifite mu gukingira abaturage icyorezo cya Covid-19, ariwo ntandaro yo kuba bwa mu mbere mezi ane ashize kuri uyu wa Mbere nta muntu n’umwe wahitanywe n’icyo cyorezo.

 

Imibare yashyizwe hanze na Minisiteri y’Ubuzima kuri uyu wa Mbere tariki 11 Ukwakira 2021, igaragaza ko nta muntu wahitanywe na Covid-19. Byaherukaga tariki 15 Kamena uyu mwaka.

 

Ni mu gihe mu cyumweru gishize abantu 20 bahitanywe n’icyo cyorezo bituma umubare w’abo kimaze guhitana uba 1308.

 

Umunyamabanga wa Leta muri Minisiteri y’Ubuzima ushinzwe Ubuvuzi bw’Ibanze, Dr Mpunga Tharcisse, yabwiye NewTimes ko nubwo ibintu bitarajya mu buryo, akamaro ko kuba abaturage bari gukingirwa ku bwinshi kari kwigaragaza.

 

Mpunga yavuze ko kuba nta muntu wahitanywe n’icyorezo kuri uyu wa Mbere ari inkuru nziza, gusa asaba abaturage gukomeza kwirinda.

 

Imibare ya Minisante igaragaza ko mu bipimo 7498 byafashwe kuri uyu wa Mbere, abantu 46 ari bo basanzwemo Covid-19, ni ukuvuga ijanisha rya 0.6 %.

 

Abantu 1.689.091 ni bo bamaze guhabwa doze ebyiri z’urukingo mu gihe 2.485.979 bahawe doze imwe y’urukingo. Ni ukuvuga ko 21 % bya miliyoni 7,8 u Rwanda rwifuza gukingira bamaze gukingirwa.

Dr Mpunga yavuze ko abanyarwanda bakwiriye gukomeza kwitwararika bubahiriza amabwiriza yo kwirinda Covid-19

Nk'uko twabivuze haruguru Imibare yashyizwe hanze na Minisiteri y’Ubuzima kuri uyu wa Mbere tariki 11 Ukwakira 2021, igaragaza ko nta muntu wahitanywe na Covid-19. Byaherukaga tariki 15 Kamena uyu mwaka.


Jean Baptiste Sebahire

618 Blog posts

Comments